Nettredaktør og kommunikasjonsrådgivar BarentsWatch - Kystverket BarentsWatch er ein ny statleg nettportal. Den er regjeringa si storsatsing for å samle og gjere tilgjengeleg offentleg informasjon om kyst- og havområda. Prosjektet samlar nærare 30 etatar og institutt som på sikt deler sin informasjon
og kunnskap gjennom portalen. I tillegg er BarentsWatch ein arena for utvikling av heilt nye informasjonstenester, også for etatar med operativt ansvar i kyst- og havområda. Portalen produserer redaksjonelt innhald på tvers av fag og etatar. Redaksjonen koplar også nyhendestoff til faktastoff, kartvisningar og databasemateriale frå mange kjelder. Nettredaktøren får ei nøkkelrolle i å formidle kunnskap og skal nytte det tverrfaglege perspektivet til å skape ny innsikt og forståing rundt bruken av kyst- og havområda.

Arbeidsoppgåver:
• Byggje opp og styre utviklinga av nettredaksjonen i ei ny statleg satsing
• Koordinere produksjon og formidling av innhald med 30 samarbeidande etatar
• Utvikle og følgje ein redaksjonell profil
• Omdømmebygging og ekstern kommunikasjon
• Strategisk kommunikasjonsrådgivar for dagleg leiar

Kvalifikasjonar:
• Høgare utdanning innan journalistikk eller kommunikasjonsfag.
• Erfaring innan nettjournalistikk for større verksemder.
• Leiar- /redaktørerfaring

Annan informasjon:
Vi tilbyr ei utfordrande stilling med gode utviklingsmoglegheiter, god pensjonsordning, fleksibel arbeidstid og gode velferdsordningar. 100% stilling. Arbeidsstad Tromsø. Løn som seniorrådgivar (st.kode 1364) i ltr. 58-68 etter kvalifikasjonar.
Søknadsfrist: 20. august 2012
Kontaktinformasjon:
Gro Kibsgaard-Petersen, komm.ansv., tlf. 995 26 765
Frode Kjersem, prosjektleiar, tlf. 416 58 780

Sjå www.kystverket.no/jobb for meir informasjon og elektronisk søknadsskjema.