– Her skjedde ein glipp

• Få nyhetsbrev fra Journalisten.

I avisas papirutgåve 8. juli skriv Dagbladets sjefredaktør Gunnar Stavrum om vald mot skulelærarar.

Bilete i kommentaren ser meir eller mindre fotorealistisk ut, men oppe i høgre hjørne står det at det er generert som eit illustrasjonsbilete av ChatGPT. 

Journalisten er kjend med at dette har skapt misnøye innad i Dagbladet.

Har ikkje endra policy

I avisa sine retningslinjer for KI står det at «Dagbladet skal som hovedregel ikke bruke KI til å lage fotorealistiske bilder eller video».

Derfor spør vi den ferske sjefredaktøren om han har endra retningslinjene. 

Tønsbergs Blad sletter video: – Rett og slett lavmål

– Her skjedde det ein glipp. Dagbladets policy er at vi ikkje bruker fotografiske bilete generert med kunstig intelligens, seier han. 

I retningslinjene står det også at «Dersom Dagbladet unntaksvis skal bruke KI-genererte bilder, skal de ikke kunne forveksles med reelle fotografier eller videoer og være tydelig merket for leseren eller brukeren».

– Bilete var merka, men vi har definitivt ikkje endra policy. 

I nettversjonen av saka er det no eit NTB-bilete som illustrasjon.

– Det vart fanga opp på desken og endra på mobil og nett, forklarer Stavrum. 

– Ingen stor diskusjon

Om uro innad i redaksjonen seier Stavrum at:

– Det har ikkje vore nokon stor diskusjon. 

– Korleis kan ein slik glipp skje? 

– Feilen er mitt ansvar, og det er brei einigheit om vår policy vedrørande KI-bilete.

Fredag sletta også Dagbladet ei sak på nett, etter at avisa brukte bilete av feil person.