Aukande frykt for KI-konsekvensar blant journalistar

• Få nyhetsbrev fra Journalisten.

Kunstig intelligens og nordmenns forhold til KI er blant temaene i den store medieundersøkinga som vert presentert på Nordiske Mediedagar denne veka. 

Både journalistar, redaktørar og teknologar er intervjua i undersøkinga, som ser på haldningar til teknologien opp mot befolkninga som heilheit. 

54 prosent av journalistane svarar at dei er bekymra for auka arbeidsløyse blant journalistar som følge av KI. For to år sidan var det 45 prosent som svarte det same. 

Blant redaktørane er andelen som er bekymra berre 25 prosent. 

– Unikt innhald viktigare

VG har vore langt framme med KI-verktøy blant norske medier, har testa reine KI-verktøy utan menneskeleg innblanding på fronten, og løfta fram journalistar som har firedobla produksjonen ved hjelp av KI. 

– At journalistar blir meir effektive og får gjort meir, bidreg ikkje til at VG trenger færre menneske ansatt. Det betyr heller at vi kan bruke fleire personar til å lage unikt innhald, noko som kjem til å bli stadig viktigare framover, seier KI-sjef i VG, Marcus Husby til Journalisten.

 Han deler dermed ikkje uroa som kjem fram i undersøkinga. 

– KI kan ikkje grave fram kva som faktisk skjedde i Høiby-saken, finne ut kva som vert diskutert i lukka politiske møte eller vite kva Ståle Solbakken seier i garderoben før VM. Unik journalistikk, som bygger på eigne kjelder og eigne avsløringar, blir derfor berre viktigare.

Positive til bruk av KI i mediene

Sjølv om det eksisterer ein viss skepsis, viser undersøkinga at flere og fleire meiner at bruk av KI er eit gode for mediene. 

64 prosent av dei spurte journalistane og heile 88 prosent av redaktørane er positive til bruken. For to år sidan var det 52 og 82 prosent som meinte det same. 

– Kommer til å få seg en smekk

Undersøkinga viser også at 45 prosent av journalistar og 64 prosent av redaktørar meiner at nyheitsredaksjonar som ikkje bruker KI i dag, ikkje er konkurransedyktige. 

– KI kan hjelpe oss med mykje, og vi må alle vere opne for å utforske korleis vi kan bruke verktøya på ein smart måte, seier Husby.

Torsdag møter han sjefredaktør i Morgenbladet, Sun Heidi Sæbø til debatt under mediedagane. I motsetning til VG har avisa tatt eit bevisst val ved å bygge profilar med ekte stemmer og «longreads» utan KI-generert oppsummering. 

Til saman 2500 har delteke i undersøkinga, som professor Erik Kudsen, ved Institutt for informasjons- og medievitskap ved Universitetet i Bergen, vil presentere i sin heilheit same dag.

Hør Journalistens podkast: