Fire var for få for NRK – fem var nok

• Få nyhetsbrev fra Journalisten.

– NRK treng eit breiare samanlikningsgrunnlag for ei så viktig stilling. Det betyr ikkje at dei som har søkt ikkje er kvalifiserte, men at vi ønskjer å sjå dei opp mot eventuelle eksterne søkarar, sa utanriksredaktør Sigurd Falkenberg Mikkelsen til Panorama Nyheter då Asia-stillinga vart lyst ut eksternt.

Få veker tidlegare vart Afrika-korrespondentjobben lukka, etter ein intern prosess. Der var det fem søkarar.

NRK-korrespondent forteller om sykdom

– Talet på søkarar seier ikkje nødvendigvis noko om kva grunnlag vi har for å vurdere søkarlista, seier Falkenberg Mikkelsen til Journalisten.

– På Afrika-stillinga vurderte vi det som ei tilfredsstillande søkarliste, medan vi på Asia-jobben ønskjer oss eit breiare samanlikningsgrunnlag.

I 2022 vart Vegard Tjørhom NRKs Afrika-korrespondent. Då hadde stillinga 13 søkarar. 

67 år gamle Dag Bredvei, som var korrespondent på kontinentet frå 2006 til 2010, er blant dei fem interne søkarane på den nyleg utlyste stillinga, skriv Panorama. 

Held stillingane internt

Utanrikssjefen avviser at Asia er viktigare for NRK enn Afrika.

– Nei, men det er litt annleis og krev noko annan kompetanse. Kvart korrespondentkontor har sine særpreg.

Dei siste åra har fleire av NRKs utanriksstillingar blitt fylte gjennom interne prosessar. Mellom anna korrespondentstillingane i London, USA, Brussel, Moskva, Ukraina og Afrika. Midtausten-stillinga vart derimot lyst ut eksternt.

Full konfrontasjon: Dette angrer hun på

– Er det riktig å halde viktige og krevjande korrespondentstillingar lukka for kandidatar utanfor NRK?

– Utanriksjournalistikk og det å vere på plass utanfor Noregs grenser er viktig for NRK. Det skal vi framleis satse på. I nokre tilfelle lyser vi stillingane ut eksternt, i andre gjer vi det som interne prosessar.

– Vi er trygge på at vi finn dyktige og kompetente korrespondentar som kan levere på nyheitsoppdraget i ei uroleg verd også i tida framover.

Må redusere kostnader

NRK har for tida ei streng tilsetjingskontroll, fordi selskapet må redusere kostnader.

Måndag kom det fram at NRK tilbyr sluttpakkar til tilsette som vil gi seg. Planen er at kanalen skal kutte mellom 300 og 400 årsverk. 

På spørsmål om dette kan føre til at NRK går glipp av kompetanse og nye perspektiv utanfrå, svarar Falkenberg Mikkelsen:

– Vi har mange dyktige medarbeidarar i NRK som både er kompetente og opne for nye idear. Samstundes treng kvar organisasjon også impulsar utanfrå og nokre gonger spissa kompetanse.