Andrea Rygg Nøttveit tar over som ny redaktør i Framtida.no

Andrea Rygg Nøttveit startar som redaktør for den nynorske nyhende- og debattavisa for unge 1. april, skriv avisa i en pressemelding.

– Eg har stort engasjement for Framtida-prosjektet, som handlar om å gje ei stemme til dei unge og auke nynorskdelen på internett, seier påtroppande redaktør i pressemeldinga.

Nøttveit har vore tilsett i Framtida sidan 2013. Den gong vart ho tilsett som språkjournalist, før ho seinare vart redaksjonsleiar for Oslo-kontoret. Etter eit vikariat som kommunikasjonsrådgjevar i Grønn Byggallianse, søkte ho seg attende til redaksjonen som redaktør.

– Framtida.no er ein unik arbeidsplass med dyktige og engasjerte journalistar, som eg gler meg stort til å koma tilbake til og utvikla vidare, seier Nøttveit.

Nøttveit tek over stillinga etter Svein Olav B. Langåker, som er tilsett som dagleg leiar i Landsamanslutninga av nynorskkommunar (LNK). Han held fram som redaktør for Framtida Junior.

Det er LNK som driv Framtida.no og Framtida Junior i samarbeid med ABC Startsiden.

Nyheitsleiar Bente Kjøllesdal er konstituert som redaktør for Framtida.no fram til 1. april.