Kari Hamre ny reportasjeleiar i Nynorsk pressekontor

Mangeårig journalist i Nynorsk pressekontor (NPK), Kari Hamre, er frå 1. september tilsett som reportasjeleiar, skriv NPK i ei pressemelding.

Hamre tek over etter Sveinung Engeland som byrja i Khrono 1. juli.

Kari Hamre har vore tilsett i NPK sidan 1994.

– Meir enn nokon står Kari for kontinuitet og ho vil garantert bidra til at Nynorsk pressekontor også gjennom dei store endringane journalistikken står oppe i, vil ha ein tydeleg profil og vera lette å kjenna att. NPK har ein viktig rolle i kampen for meir nynorsk i media, og me er godt rusta for det oppdraget med Kari som reportasjeleiar, seier redaktør Jan Inge Fardal i pressemeldinga.