Teknolog om KI-optimisme: – Er redaktørane litt naive?

• Få nyhetsbrev fra Journalisten.

88 prosent av redaktørane seier dei er positive til bruk av KI i media, mot 64 prosent av journalistane. Redaktørane er dessutan meir overtydde om at KI gjer redaksjonane konkurransedyktige.

Generelt meiner 61 prosent av redaktørane at KI vil ha positive konsekvensar for samfunnet dei neste fem åra, mot 36 prosent av journalistane.

I undersøkinga er journalistane på nivå med befolkninga elles i dette spørsmålet. Også teknologane er meir kritiske enn redaktørane.

– Eg lurer på om redaktørane er litt naive når det gjeld forståinga av avgrensingane, seier Tekna-president Elisabet Haugsbø.

Medlemmene deira med IT-bakgrunn har svara på dei same spørsmåla i undersøkinga.

Slik hadde norske journalister stemt hvis det var valg i morgen

Haugsbø merkar seg at journalistane er meir skeptiske til kontrollen i eige hus. Nesten halvparten meiner det manglar gode nok kontrollmekanismar for bruk av KI, noko redaktørane i mindre grad kjenner seg att i.

– Faren er å gå bananas og tenkje at dette kan brukast til alt, seier ho.

– Problemet er å tru at informasjonen på nett er riktig. Det er han ikkje.

Journalistane fryktar også at teknologien vil føre til arbeidsløyse.

Brukar KI kvar dag, men stolar ikkje på svara

60 prosent av journalistar brukar KI dagleg eller fleire gonger dagleg, viser Medieundersøkinga.

Samtidig seier 77 prosent at dei ikkje stolar på at KI gir korrekt informasjon om nyheitssaker.

Eit tydeleg fleirtal meiner at KI har effektivisert arbeidsdagen, samstundes fortel mange at det fører til meirarbeid fordi innhaldet må kvalitetssikrast.

Heile 92 prosent svarar at dei dobbeltsjekkar informasjonen dei får frå KI.

Journalistens podkast: Husker du disse tabbene?